Қазақстан мен Өзбекстандағы British Council ұйымы үш жылдық Creative Producers бағдарламасының ашылғаны туралы жариялады. Бағдарлама Орталық Азия елдерінде жасампаздық продюсерлікті дамытуға бағытталған. 2019 жылы Алматы мен Ташкент пилоттық қалалары болып таңдалды.

Бағдарламаға қатысуға өзінің мансап жолын енді бастаған, бірақ жобаларды ұйымдастыру тәжірибесі бар, өздерінің жобаларын Алматы мен Ташкентте іске асыра алатын жасампаз продюсерлер (арт-менеджерлер де, сондай-ақ шығармашылық кәсіптердің өкілдері де: суретшілер, әртістер т.с.с.) шақырылды.

2019 жылы бағдарлама бірнеше сатыдан құралатын болады:

  • Бирмингемдегі Supersonic фестиваліне және Манчестердегі Manchester International Festival фестиваліне бару (Алматыдан 6 адам және Ташкенттен 6 адам);
  • Алматы мен Ташкентте білім беретін мастер-кластар, оларды Ұлыбританиядан келген тьюторлар өткізеді (Алматыда 20-ға дейін және Ташкентте 20-ға дейін адам қатысады);
  • жобаларды тәптіштеу және гранттарға өтінім беру (мастер-кластар барысында қатысушылардан құралған командалар);
  • жобаларды іске асыру.

Негізгі мерзімдер

24 мамыр – бағдарламаға қатысу үшін өтінім берудің соңғы мерзімі;

 

24 мамыр – 3 маусым – өтінімдерді іріктеу және бағдарламаға қатысушыларды айқындау;

 

3–14 маусым – Ұлыбританияға виза алу үшін қажетті құжаттарды тапсыру. Виза құжаттар тапсырылған сәттен бастап 3 апта ішінде қарастырылады;

 

1–5 шілде – қатысушылардың қолында визалары бар төлқұжаттары болуға тиіс;

 

14-21 шілде – Бирмингемдегі Supersonic фестиваліне және Манчестердегі Manchester International Festival фестиваліне бару (Алматыдан 6 адам және Ташкенттен 6 адам);

 

2-6 қыркүйек – Алматы мен Ташкентте білім беретін мастер-кластар, Ұлыбританиядан келген тьюторлар өткізеді (Алматыда 20-ға дейін және Ташкентте 20-ға дейін адам қатысады);

 

2019 жылғы қазан – жобаларды тәптіштеу және гранттарға өтінім беру (мастер-кластар барысында қатысушылардан құралған командалар);

 

2020 жылғы қаңтар – ақпан – жобаларды іске асыру.

Сонымен қатар, Орталық Азиядағы біздің жобамызды ұзақ уақытқа қолдауға және шығармышылық продюсерлікке өз үлесін қосуға қызығушылық танытқан серіктестерді іздестірудеміз. Егер сіз қызығушылық танытсаңыз, бізге электрондық пошта арқылы хабарласуыңызды сұраймыз.