Британдық Кеңес, Алматы қаласының әкімдігі, «Алматы қаласын дамыту орталығы» АҚ және Қазақстан-Британ техникалық университеті жобалар конкурсының басталғаны туралы жариялайды. Әр жобаға берілетін гранттың ең үлкен мөлшері 5 000 еуро. 

Жобаны Қазақстандағы Еуропа Одағы қаржыландырады. 

Сіз ниеттес адамдардан құралатын ұжым құрдыңыз және сізде Алматы мен оның тұрғындарының тұрмысын жақсарту бойынша идеялар бар ма? Онда конкурсқа қатысу туралы өтінім беріңіз де, өз жобаңызды іске қосу үшін грант ұтып алу мүмкіндігіне ие болыңыз!

Конкурсқа жергілікті аудандардың инфрақұрылымын дамыту, жаңа бизнес-инкубаторларды, жаңа цифрлық технологиялар мен мобильді қолданбаларды құру, қоғамдық кеңістіктерді, шығармашылық орталықтар мен жаңа әлеуметтік кәсіпорындарды ашу, бейне-материалдар шығару бойынша, қаладағы жекелеген орындар мен кеңістіктерді көгалдандыру бойынша жобалар қатыса алады. 

Жобалар қаланың әлеуметтік және экономикалық тұрғыдан дамуына ықпалдасуға және азаматтардың мүдделеріне бағдар алған тәсілдемені паш етуге тиіс.

ФИНАЛШЫЛАРДЫ «БІЗАЛМАТЫЗ» ЖОБАСЫНЫҢ ӨКІЛДЕРІНЕН ЖӘНЕ ТӘУЕЛСІЗ САРАПШЫЛАРДАН ТҰРАТЫН ІРІКТЕУ КОМИССИЯСЫ ТӨРТ ӨЛШЕМ БОЙЫНША ІРІКТЕЙДІ:

  1. Жобаның қала/қалалық қоғамдастық(тар) үшін қажеттілігі мен маңыздылығына айқын негіздеме беру, соның ішінде бенефициарлар мен негізгі мүдделі тұлғаларды айқындау;
  2. Қисынды түрде құрылған әрі ұғынықты жұмыс жоспары, бюджеттің ауқымында қол жеткізуге болатын міндеттер, өзіңіздің және (немесе) бұрыннан келе жатқан және жаңа серіктестеріңіздің ресурстарын тарту;
  3. Жұмыс жоспарымен жақсы байланыстырылған ақылға қонымды әрі үнемді бюджет;
  4. Жобаны кеңейтуге арналған әлеует және грант барысында және ол аяқталғаннан кейін жобаның орнықты дамуын көздейтін бизнес-жоспар өтінім берушілердің қаланың экономикалық және әлеуметтік басымдықтарымен байланысты салаларды таңдауына және азаматтардың мүдделеріне бағдар алған тәсілдемені паш етуіне мүмкіндік береді.

ТӨМЕНДЕГІ ӨТІНІМДЕР ҚАРАСТЫРЫЛМАЙДЫ:

  • Қала тұрғындарының қажеттіліктеріне сай келмейтін немесе әлеуметтік пайданы көздемейтін; 
  • Алматы қаласының тұрғындарын жобаны әзірлеуге немесе іске асыруға тартпайтын;
  • Екі немесе бір адамнан тұратын ұжымдар берген;
  • Меншікті немесе серіктестік қаржыландыруды тартпайтын немесе тек жекеменшік акционерлерге ғана қаржылық пайда келтіретін өтінімдер.

ӨТІНІМ БЕРУ:

Конкурсқа қатысуды қалайтын алматылық ұйымдар мен бастамашыл топтар өтінім пішінін толтырып, төменде көрсетілген жолмен Ұйымдастырушыға жолдауға тиіс. 

Өтінім беру үшін пішінді толтырып, WeAlmaty@kz.britishcouncil.org мекенжайына жолдау қажет. 

Өтінімдерді қабылдау 2018 жылғы 23 ақпанда аяқталады.
Конкурс жеңімпаздарын жариялау: 2018 жылғы наурыз («БізАлматыз» форумының шеңберінде)

Жоба туралы толық ақпарат «БізАлматыз» мына құжатта берілген.

БАЙЛАНЫС ДЕРЕКТЕРІ:

Сұрақтарыңыз болса, бізге төмендегі электрондық мекенжай арқылы хабарласуыңызға болады: WeAlmaty@kz.britishcouncil.org.